મૈત્રી

મળ્યા માતા પિતા ભાઈ બહેન ઈશ્વરની ભેટ છે

મિત્રને શોધવા નીકળી છું હું; એ મારી શોધ છે,

મિત્રતા શું છે ? એની ખબર હવે પડે છે

તું નથી મારી સાથે આ વિચારે મારું હૃદય રડે છે,

લાગણીના તાંતણે બંધાયાની સમજણ હવે પડે છે

તારા ચહેરાનાં હાસ્ય માટે હવે મારી આંખો રડે છે,

શાળાકોલેજના દિવસો થયા પૂરા એ સમજણ હવે પડે છે

તારી સાથે રખડવાની વાતો યાદ આવતા મારી આંખો રડે છે,

મિત્રતામાં તને ખુલ્લેઆમ કહેવાની આદત હવે મને નડે છે,

તારા સાથે રમેલી રમતો હવે મારી આંખોમાં તરે છે,

તારા સાથે થયેલા ઝઘડા મને ને વધુ તડપાવે છે

આંખો ખોલું તો બધું ' દિવ્ય ' સ્વપ્નની જેમ તરવરે છે.