માતૃભાષાની વેદના

ઓ મારા બાળકો, જરા તમે સાંભળો

મને છોડીને તમે ન જાઓ,

શાને છોડી સગી માતને

શાને માસીને વ્હાલા થાઓ,

મને છોડીને ન જાઓ,

જૂઠી શાન મેળવવા કાજ

છોડી દે ગુજરાત ગુજરાતી આજ,

મીઠી મધુરી છોડી બોલી

પકડે અંગ્રેજીની નાની ખોલી,

ભવ્ય આ વૈભવ ગુજરાતીનો છોડી

મૂલ્ય આંક્યું એનું જાણે હોય કોડી,

બોલાય છે જ્યાં સુધી ભાષા ગુજરાતી

ત્યાં સુધી જ ટકશે ગુજરાતની સંસ્કૃતિ,

ખોળો પાથરી કરે સંદેશી વિનંતી

ગુજરાત બચાવવા બચાવી લો

આપણી આ ગુજરાતી.