માતાજી પધાર્યાં

માતાજી પધાર્યાં આજ મારા ગરબામાં,

ચારે કોર પથરાયો ઉજાસ,

માડી તારા ગરબામાં,

ગભરાયો માનવી કોરોનાકાળમાં,

અંતરમાં જાગી સૌને આસ,

માડી તારા ગરબામાં,

શ્વાસ રુંધાય છે મલિનીકરણમાં,

હરિયાળી થાશે આસપાસ,

માડી તારા ગરબામાં,

બાળ પૂરાયાં જોને પોતાનાં ઘરમાં,

શાળા ખૂલવાની એને આસ,

માડી તારા ગરબામાં,

દીકરી, વહુવારુ ને સાહેલીના સાથમાં,

ગરબે ઘૂમવાની સહુને આસ,

માડી તારા ગરબામાં.