માત

એણે દીધો જન્મ ને થઈ જીવનની શરૂઆત 

એની ગોદીમાં વીત્યાં, મારાંએ દિન-રાત,

હોય જેવો જે સમય, જે કંઈ હોય હાલાત

પણ મોઢા પર સ્મિત છે, દિલમાં છે તાકાત !

ચેમ્પિયન એ ચાહતની, લાગણીનો લાવા જ

એક તો એજ અમીર છે, ભૈ બાકી સૌ બાવા જ,

હોય ધરા પગને તળે, છતાં આભમાં પાંખ

કોઈ ક્ષિતિજ કે સીમ નૈ, એવી આપી આંખ !

હાલ ને પકડી રાખવું, ભાવિની ખેંચ લકીર

હાથ-ભાલ શું ઝાંકવા ? કહે મુઠ્ઠીમાં છે તકદીર,

કાંઈ ન બોલોને છતાં, સઘળું સમજી જાય

એની પાસે હોઉં જો, મનની મરજી થાય,

હર કોયડાનો ઉકેલ દે, પણ ખુદ ઉલજી જાય

વળી ઘણેરી ઉલજનો ભાવથી સુલજી જાય ?

એનો કોઈ અંતના, ના થઈ કોઈ શરૂઆત

માં એ કોઈ સ્વરૂપ નહીં, શક્તિ છે સાક્ષાત,

એની ગોદીમાં વીત્યાં, મારા દિનને રાત !

એણે દીધો જન્મને, થઈ જીવનની શરૂઆત.