મારી સંક્રાંત

"મારી સંક્રાંત"

નવું છે વર્ષ ને રજૂ કરું નવી વાત,

સ્પષ્ટને સચોટ ન ખોટી કોઈ વાત;

પ્રેમનો છે પર્વ જુઓ આવી સંક્રાંત,

ઉડાવશું આકાશે લખી પતંગ પર વાત;

મુકો વ્હાલા દોસ્તો આ નાતને જાત,

કાના માતર વિનાની રાખીયે માનવ જાત;

સમજી ગઈ હું તો આ મસમોટી વાત,

પ્રેમ કરો હંમેશ જોઈ પાત્રની ઔકાત;

હૈયાની હામ રાખી દેજો આ સોગાત,

વારે વારે નહિ આવે આ નવલી સંક્રાંત;

પતંગ પણ ઉડતી કહી રહી આકાશ,

કપાઈને ફરી ઉડવાના મળે જવલ્લે અવકાશ;

રંગેરૂપે રુડી પતંગ તો'ય ન ખાતરી એ ઉડશે

Advertisement

,

તો સામે'ય કાચા ખેલાડીની ઢીલખેંચ જરી ન ગમશે;

વિહંગની પાંખોનું રાખીયે જો ધ્યાન,

માનવતાનું કહેવાશે એ અભિયાન;

સાચવજો ભૂલકાને અગાસીએ ન ભૂલતા ભાન,

થશે જો અકસ્માત તો નીકળી જશે ખોટી શાન;

કાગળ કેરી રંગોળી આકાશે રચાશે,

મારી આ સંક્રાંત મધુર ગીતો ગાશે;

કરી સાફ ધાબા મિત્રો સૌ જીંજરા ચીકી ખાશે,

જશે જ્યારે વીજળી હોહાદેકારા તો થાશે;

"કાપ્યો છે" નાદ થાળીના સથવારે ગાજશે,

ઢળતા સાંજ ફાનસથી સુંદર દ્રશ્ય કેવું રચાશે!

આપીને મીઠી યાદો..આ સંક્રાંત ચાલી જાશે.......