મારી સાથે

તે શા માટે નજર ન મેળવી મારી સાથે?
હું તારી સાથે નજર મેળવી શકવાનો જ નથી.

 તે શા માટે પ્રેમ બંધન તોડ્યુ મારી સાથે?
 મારૂં હ્રદય હવે કદી ધબકારા કરવાનુ જ નથી.

 તે શા માટે મુલાકાત ન કરી મારી સાથે?
 હવે મુલાકાતની તક કદી આવવાની જ નથી.

 તે શા માટે રમત કરી મારી જીંદગી સાથે?
 મને ફરીથી મનુષ્ય દેહ હવે મળવાનો જ નથી.

 તે શા માટે અબોલા રાખ્યા મારી સાથે?
 "મુરલી" કફનમાં સૂતેલો કદી સાંભળવાનો જ નથી.


 રચના:-ધનજીભાઈ ગઢીયા "મુરલી"(જુનાગઢ)