મારે કરવું છે

કર્મશીલ બની આ સકળ સૃષ્ટિમાં 

ધ્યેય પ્રાપ્તિ સુધી મંડ્યા રહેવું છે.

નાનકડું બીજ માટીમાં મળતાં બનતું

બીજ એવું ઘટાદાર વૃક્ષ મારે બનવું છે.

ફૂલોની જેમ કાંટાની વચ્ચે રહીને પણ

જીવનના સુખ-દુઃખને મારે માણવું છે.

ઈશ્વરની ભક્તિ કેરી ગંગા હૃદયે વસાવી

દેવમય બની જીવનઉદ્ધાર માટે કરવો છે.

આળસની પથારી ત્યજીને આ હાથમાંથી

સરકતાં સમયને સુયોજિત મારે કરવો છે.

જીવનકેરી રાહ પર એક જ લક્ષ્ય રાખી

સિગ્નેચરને ઓટોગ્રાફ મારી બનાવવી છે.