મારા રામની જાનકી

નામ તો હતું જ મારું,

તેં મને ઉપનામ આપ્યું છે..

ઓળખાણ તો હતી જ મારી,

તેં મને પહેચાન આપી છે..

નદી તો વહેતી જ હતી,

તેં એને ખળખળતી કરી છે..

રસ્તો તો હતો જ મારી પાસે,

તેં મને મંજિલ બતાવી છે..

રૂપ તો હતું જ મારી પાસે,

તેં એને પ્રેમનું સ્વરૂપ આપ્યું છે..

સુગંધિત તો હતી જ હું,

તેં મને મહેકતી કરી છે..

પ્રેમ તો કરતી જ હતી હું,

તેં મને ચાહતની ચાહ બતાવી છે..

વાંચતી તો હતી જ હું,

તેં મને આજે લખતી કરી નાખી છે. .

શબરીની જેમ વાટ જોતી હતી હું જે "રામ"ની, 

તે મારા "રામે" મને "જાનકી" બનાવી છે. .