માં
માં
આંખોમાં નીતરતો જાય વ્હાલ કેરો દરિયો,
સ્નેહનું ઝરણું વહેતું જ્યાં પ્રેમ એવો ભર્યો..
જોયા વિના જ આકાર દીધો, નવ મહિના કુખમાં,
મારો વિચાર પહેલા કર્યો હોય ભલે તું દુ:ખમાં.
પીડા સહી પ્રસવ કેરી જન્મ દીધો તેં મને જગમાં,
પ્રભુ નો ચહેરો જોયો નથી, વહે તું જ મારી રગમાં..
ઝાલી ને તારો હાથ મેં તો- પા પા પગલી કરી,
પહેલો શબ્દ તેં શીખવ્યો 'માં' બાથ મુજને ભરી...
સંબંધ તારો મજબૂત એથી જોડી હતી ગર્ભનાળ,
ઉમર નો કોઈ બાધ ના રાખે હજુ તું એ જ સંભાળ...
દેવો ના ચુકવી શકે જો ૠણ તારું ઓ માં,
તુચ્છ હું શીદ ચુકવીશ તારા સ્નેહને ઓ માં...
શ્વાસ આપ્યા તેં જ અને ધબકાર પણ તારી દેન,
ઉજાગરા કીધા તેં માં અને ઉંઘુ હું સુખ ચેન....