મા
મા
મા કહો બા કહો કે ભલે કહો મમ્મી
વાત્સલ્ય વીરડીમા ના આવે ઓટ કદી,
સંતાનની સફળતા કાજ પથ્થરોય પૂજતી
એક મા જ છે જે રાખે બાધાને આખડી,
વસતા ભલે વિદેશ દીકરો કે દીકરી
પળેપળ રહેતી ચિંતાતુર એ માવડી,
હોય ચાર દિવાલોની અંદર જ મા રહેતી
આવી પડે વિપદા સાહસ અનેક ખેડતી,
હોય ના જે ઘર પરિવારમાં મા ની હયાતી
એમનું જીવન છે અમાસની અંધારી રાતડી,
અગણિત ઉપકાર કર્યા મા બાળપણ સીંચી
દઝાડશો ના ક્યારેય એ મા ની આંતરડી,
ચાલતા શિખવ્યુ જે માં એ પકડીને આંગળી
બની શકાય તો બનજો વૃધ્ધાવસ્થાની લાકડી,
કરશો સેવા ચાકરી તો ઠરશે મા ની આંતરડી
માતૃઆશિશથી મોટી નથી કોઈ દૈવત્ય શક્તિ.