મા

મા કહો બા કહો કે ભલે કહો મમ્મી

વાત્સલ્ય વીરડીમાં ના આવે ઓટ કદી,

સંતાનની સફળતા કાજ પથ્થરોય પૂજતી

એક મા જ છે જે રાખે બાધાને આખડી,

વસતા ભલે વિદેશ દીકરો કે દીકરી

પળેપળ રહેતી ચિંતાતુર એ માવડી,

હોય ચાર દીવાલોની અંદર જ મા રહેતી

આવી પડે વિપદા સાહસ અનેક ખેડતી,

હોય ના જે ઘર પરિવારમા મા ની હયાતી

એમનું જીવન છે અમાસની અંધારી રાતડી,

અગણિત ઉપકાર કર્યા મા બાળપણ સીંચી

દઝાડશો ના ક્યારેય એ મા ની આતરડી,

ચાલતા શિખવ્યુ જે મા એ પકડીને આંગળી 

બની શકાય તો બનજો વૃધ્ધાવસ્થાની લાકડી,

કરશો સેવા ચાકરી તો ઠરશે મા ની આંતરડી

માતૃઆશિશથી મોટી નથી કોઈ દૈવત્ય શક્તિ.