મા બહુ યાદ આવે ?
મા બહુ યાદ આવે ?
કોઈ કહેતું પણ હશે, તને "મા બહુ યાદ આવે ?"
એટલે બેટા વારે વારે મા પર તૂ કવિતા લખે !
કહું,કેમ ન આવે ?અગણિત છે ઉપકાર જીવને,
હજુ પાક્યો ક્યાં જે મા ઉપકાર બદલો ચૂકવે ?
કહું, કેમ ન આવે ? જન્મતાં પહેલાં જેની કોખમાં
પોષણ પામ્યો ને આળોટયો એનું ઋણ કે 'દિ' ભરે !
કહું, કેમ ન આવે ? હતાં ન મુખમાં દાંત તે દિ' માએ
છાતીએ ચાંપી પીવડાવ્યું અમૃત ! હતું દુર્લભ દેવોને !
ને ઈશ્વર તો મેં તો ભલા જોયો નથી ! મા જ મારી છે
ઈશ્વર ! ને ઈશ્વર ગુણગાન કરવામાં કેમ શરમ રાખીએ !
મા વગર કેવી છે જિંદગી દોહ્યલી જાણે છે કાન્તાસુત,
મા અહેસાસ ને મમતા જીવતી રાખવા લખું છું કવિતા !