જિંદગી

ક્યારેક ટીકા તો ક્યારેક,

પ્રસંશા કરશે આ જિંદગી;

દરેક વળાંકે અઘરી,

કસોટી કરશે આ જિંદગી.

મોટી ભ્રમણા છે,

પ્રારબ્ધ નબળું હોવાની;

જો સાચી દિશા હશે તો,

પરિશ્રમ બદલશે જિંદગી.

ઘટનાઓના સાર,

તટસ્થ રહી મુલવજો;

હારમાં જીતની,

સમજણ સુધારશે જિંદગી.

બધી જ રમત અધૂરી રહેલ,

આશાઓ અને અરમાનોની છે;

મળ્યું છે તે માણવામાંજ,

સુધરશે જિંદગી.

ડાળ પર બેઠેલાં,

પક્ષી જેવી છે આ જિંદગી;

સમયની એક થપાટે,

ભૂતકાળ થશે જિંદગી.

કોઈ બીજા સાથે સરખામણી કરીનેજ,

આવે છે દુઃખ જિંદગીમાં,

ભગવાને ખુદ બનાવ્યા છે આપણને તો,

અતિઉત્તમ જ હશે આ સમજણ સુધારશે જિંદગી.

મારી પાસે આ નથી, મારી પાસે તે નથી ;

કરે છે એવી ફરિયાદ બધા

પરંતુ જે આપણી પાસે છે તે શ્રેષ્ઠ જ છે,

આ સમજણ આગળ લઇ જશે જિંદગી.

આ કરીશ ,તે કરીશ આવીજ બધી,

જંજાળ માં ફસાય જાય છે લોકો,

જે કરવુ તે આજે જ કરવું,

આવી સમજણ સુધારશે જીંદગી.

મન માં વહેમ છે કે સમય અને,

સમજણ છે આપણી પાસે જીવનમાં: 

પરંતુ હકીકત તો એ છે કે,

જ્યારે સમય હોય ત્યારે સમજણ નથી હોતી,

અને સમજણ આવે ત્યારે સમય નથી હોતો,

આનું જ નામ છે જિંદગી.