મા ભારતી

વિશ્વમાં વખણાય એવી આજ છે મા ભારતી,

વિવિધતામાં એકતાનો નાદ છે મા ભારતી,

હિન્દુ, મુસ્લિમ, શીખ સાથે પારસી વસતાં અહીં,

વેશ-ભૂષા, ખાનપાને ખાસ છે મા ભારતી !

દેણગી અણમોલ છે આ ભાઈચારો, ભાગ્યથી,

બંદગીમાં પ્રાર્થનાનો સાદ છે મા ભારતી,

પ્રાંતવાદે ના પિસાવું, ઐક્ય સાધી ચાલવું,

એક ભારત શ્રેષ્ઠ માનો, વ્હાલ છે મા ભારતી,

શાંતિ ને સોહાર્દ તો ભરપૂર છે આ ભૂમિમાં,

જાળવો કરતાં જતન તો શાન છે મા ભારતી.