લઈ લે શરણમાં તારી

મે તુજ સંગ પ્રીત બાંધી,

ઓ શ્યામ સુંદર ગિરધારી,

રાત દિન હું દ્વારે ઊભી, વાટ જોઉં છું તારી, 

દૂર દૂર સુધી નજર દોડાવું, ન જોઉં સૂરત તારી,

 

તને મળવાની રઢ લાગી, 

ઓ શ્યામ સુંદર ગિરધારી,

હૃદય કેરા નંદ ભવનમાં, છબી વસાવું તારી, 

તુજને નિરખવા મનડું ઝંખે, દર્શન દે વનમાળી,

હું તડપું રાત સારી, ઓ શ્યામ સુંદર ગિરધારી, 

ભજન કરૂં છુ તારા નામનું, જપું છુ માળા તારી, 

ન તલસાવીશ હવે તુ મુજને, હૃદયમાં વિરહ ભારી,

હું સદાય દાસી તારી, ઓ શ્યામ સુંદર ગિરિધારી,

રોઈ રોઈ શોધુ તુજને, નયનથી અશ્રુ વહાવી,

સાદ દઈને પોકારે "મુરલી", ટહુકી કોયલ કાળી,

 

મને લઈ લે શરણમાં તારી, ઓ શ્યામ સુંદર ગિરિધારી.