લાગણીસભર હૈયું
લાગણીસભર હૈયું
મારે સાગરની લહેરો બનીને વહેવું છે,
મારે દોસ્તો સભર આસમાને ઊડવું છે,
માન્યુ જિંદગીમાં છો આવે તડકી છાંયડી,
જીગરી મિત્રો સંગ એ સુખદુઃખ સહેવું છે,
નથી જોઈતા મતલબી માનવીય સંબંધો,
મારે તો બસ નિ:સ્વાર્થ ભાવુક બનવું છે,
નથી વહેવું કોઈ આંખોમાંથી અશ્રુઓ બની,
બને તો હોઠો પર સ્મિત બનીને રમવું છે,
ગઝલ શાયરી કવિતા બહુ કરી "જીત",
બસ લાગણીસભર હૈયું ઠાલવીને ગમવું છે.