લાગણી

લાગણી વિના જીવાય નહિ,લાગણી વિના મરાય નહિ,

લાગણી તો એવી ચીજ છે, જે કોઈ સાથે કરાય નહિ,

લાગણી કરતા ડરું છું, ડરીને પણ લાગણી કરું છુંં,

લાગણી એ આંખોની ભાષા,

લાગણી એ પ્રેમની પરિભાષા,

લાગણી એ પ્રેમની લહેરો,

લાગણી એ સુંદર ચહેરો,

લાગણી એ પ્રેમ ના મોજા,

લાગણી એ પ્રેમની ઉત્કંઠા,

લાગણી એ પરસ્પર બે દિલની પ્રીત,

લાગણીની ના કોઈ સીમા કે ના કોઈ રીત,

લાગણી એ પ્રેમ ભર્યા હૈયાનો થનગનાટ,

લાગણી એ બે દિલનો તરવરાટ,

લાગણી એ પ્રેમનું બીજુ રૂપ,

લાગણી એ ખુદ ઈશ્વરનું બીજુ સ્વરૂપ,

લાગણી એ મહેંકતા મોસમમાં પ્રિયતમની યાદ,

લાગણી એ સ્નેહની રજૂઆત,

લાગણી એ અંતરમાંથી નીકળતા આંસુ,

લાગણી એ મનને ઊડવાની પાંખુ,

લાગણી એ પ્રેમની સુંદર શરૂઆત,

લાગણી છે હંમેશા દિલમાં દિવસ ને રાત,

લાગણી એ હૈયાના હસ્તાક્ષર,

લાગણી એ ધડકતા દિલના જન્માક્ષર,

લાગણી એ તો ઈશ્વરની અમૂલ્ય ભેટ,

લાગણી વિના "આરતી" ન રહે,

લાગણી વરસાવે પ્રેમ નેહ.