ક્યાં કચાશ રાખી ?
ક્યાં કચાશ રાખી ?
હા, હું સ્ત્રી છું,
જે હતું તારું, એ મારું અને આપણું
કરવામાં ક્યાં કચાશ રાખી ?
સપના હતા તારાં આપણાં સમજી પૂરા
કરવામાં ક્યાં કચાશ રાખી ?
તારી આશા અને અપેક્ષાઓ પૂરી
કરવામાં ક્યાં કચાશ રાખી ?
મૂળસોતી ઉખડી તારાં આંગણે લીંપાણી,
સમર્પિત થવામાં ક્યાં કચાશ રાખી ?
ઈચ્છાઓના મૃગજળ પાછળ દોડું ને થાકું
તને હિંમત આપવામાં ક્યાં કચાશ રાખી ?
પણ....
હું ભૂલી ગઈ..
કે હું પણ એક જીવ છું
મારા માટે જીવવામાં હા, મેં કચાશ રાખી..!