કરુણાંતિકા

કદી વિશ્વાસ તૂટે કોઈનો એ છે કરુણાંતિકા,

ભરોસો સાવ ખૂટે કોઈનો એ છે કરુણાંતિકા.

વચન આપ્યું હતું સાથે રહેશું સાત જન્મો સુધી,

અને જો હાથ છૂટે કોઈનો એ છે કરુણાંતિકા.

મહેનતથી સદા પામી શકાશે સુખ અને શાંતિ પણ,

કદી હક કોઈ ઝુંટે કોઈનો એ છે કરુણાંતિકા.

નથી ડર રાખતાં જે ઈશનો એવા પશુ માફક છે.

અને એ શ્વાસ ઘૂંટે કોઈનો એ છે કરુણાંતિકા.

તરફડીને મરે છે માં વિખૂટી જો પડે બાળકથી,

શિશુ ખુદથી વછૂટે કોઈનો એ છે કરુણાંતિકા.