કર ન ખોટાં અભિમાન રે જીવડાં
કર ન ખોટાં અભિમાન રે જીવડાં
કર ન ખોટાં અભિમાન રે જીવડાં,
તું છે બે ઘડીનો મહેમાન રે…
કમાયેલ કાગળિયા કામ નહિં આવે, (૨)
જગત જીવાડે સારાં કામ રે જીવડાં,
કર ન ખોટાં અભિમાન રે…
જગતની દોડમાં દોડ તું ભલે, (૨)
અંતે જોઈશે ખભ્ભા ચાર રે જીવડાં,
કર ન ખોટાં અભિમાન રે…
લંકાનો રાજા રાવણ રે મર્યો, (૨)
હતાં એનાય ખાલી હાથ રે જીવડાં,
કર ન ખોટાં અભિમાન રે…
સત્તા-સંપતિ તારે કામ નહિં આવે, (૨)
સત્કર્મ જીવાડશે 'અર્જુન' નામ રે જીવડાં,
કર ન ખોટાં અભિમાન રે…