કોરોના વોરિયર્સને સલામ
કોરોના વોરિયર્સને સલામ
દુનિયા જેનાથી ભાગે છે એને ભગાડો છો તમે;
પારકાને પણ પોતાનાની જેમ સાચવો છો તમે,
દરેક ખૂંખાર વાયરસ સામે બાથ ભીડો છો તમે;
દરેક હદયમાં એક આશ બનીને જીવો છો તમે.
ઘર - પરિવાર છોડી બંદોબસ્તમાં વ્યસ્ત છો તમે;
ડર છોડી લોકસેવા કાજે જોખમ ખેડો છો તમે,
વાયરલ ના થાય માટે વાયરસની સામે છો તમે;
સન્માન મળે ના મળે તેવા કાજે જીવો છો તમે.
વિચારી ના શકે જનતા એવું કાર્ય કરો છો તમે;
ગેરહાજરીમાં નમકની જેમ યાદ આવો છો તમે;
ઊગતા વાયરસને અસ્ત કરવા જાગો છો તમે;
કદર થાય ના થાય દરકાર સૌની કરો છો તમે.
દરેક કોરોના વોરિયર્સને સલામ કરીએ છીએ અમે,
તમારી ખુશી - સલામતીની દુઆ કરીએ છીએ અમે:
તમારી સેવાઓ સામે સલામ કરીએ છીએ અમે,
કહે છે "નાના" કાયમ આભારી તમારા થઇએ છીએ અમે.
-Nana Mohammedamin