કોણ છે વહાલું ?

માંગ્યો હતો તેણે પ્રેમ પત્ર અને મેં મોકલી ગઝલ,

બસ ત્યારથી તેણી ગુસ્સામાં ધૂંધવાય છે,

પૂછ્યું હતું તેણે, મારી કઈ યાદ છે સૌથી પસંદ ,

કહ્યું મેં,જયારે જોઈને તને ઉદ્ભવી હતી શાયરી,

બોલી ઉઠી તેણી, તું બસ આજે સ્પષ્ટ કર,

હું છું તારી પ્રિયતમા કે સાહિત્ય તારો પ્રેમ છે ?

ગૂંચવાયો હું કે આ તે કેવી પૃચ્છા, આ તે કેવો પ્રશ્ન,

છે એક પ્રાણવાયુ, બીજો હદયનો ધબકાર છે,

કહ્યું મેં,સાહિત્ય તો છે માત્ર મારી અભિવ્યક્તિ,

પ્રેમ જ તારો, સૂતેલા શબ્દોને મહેકાવી જાય છે,

પહેલાં ઘણા પ્રયાસે પણ મળતો ન પ્રાસ જલ્દી,

આગમન પછી તારા, શબ્દો આપોઆપ ગોઠવાય છે,

કહી ઉઠી તેણી, કવિ જોડે પ્રીતમાં આજ છે મુશ્કેલી,

મનાવવી મને એટલે માત્ર તારી એક ગઝલની પ્રસ્તુતિ.