કોકટેલ

ક્યારેક દુઃખ તો ક્યારેક સુખની રેલમછેલ છે ઝીંદગી કોકટેલ છે..

જીવનના રંગમંચે ભજવાતો ખેલ છે ઝીંદગી કોકટેલ છે...

હસવું, રડવું, પ્રેમ, કરુણા, ભક્તિ, ભાવના

નવ રસની પ્યાલી ભરેલ છે, ઝીંદગી કોકટેલ છે..

ખારા, ખાટા, કડવા, મીઠા સ્વાદે, જીવનના જામને, ચુસકીએ લઈ પીધેલ છે ઝીંદગી કોકટેલ છે..

રંક કદી તો કદી રાજા, કિરદાર નિત નવા ભજવાતા,

ઝૂંપડું તો કોઈને મહેલ છે, ઝીંદગી કોકટેલ છે..

અભરખાઓથી ભરેલ, આયખાને માથે,

અધૂરી છલકાતી હેલ છે, ઝીંદગી કોકટેલ છે..!