કલમની ભાષામાં કહીએ

તલવાર ઉપાડવાની ભાષા તો સૌ કોઈ જાણે છે

કલમ ઉપાડવાની ભાષા બોલો તો માનીએ

અલગ કરવાની તાકાત તો સૌ કોઈ જાણે છે

ભેગા કરવાની કરો તો માનીએ

રિવાજો, રૂઢિઓ તો સૌ કોઈ માને છે

તલવાર વિના તોડો તો માનીએ

સહેલું નથી શબ્દોને મઠારવું પણ

ઉઝરડા પડ્યા વિના ઉપડે કલમ તો માનીએ

તલવારની ધારે તો સૌ કોઈ ડરે એ જાણીએ

કલમની ભાષામાં સુધારો તો જાણીએ

તલવારની ધારે નીકળે લોઈ અને

શબ્દની શરણે તો આંસુઓ અહીં

દુનિયા આખીમાં બદલાવ

નાનકડી કલમે બદલાયેલ જાણીએ અહીં ! 

એમજ નથી લખાતા શબ્દો ને ભાવો

એ જાણીએ અહી

લોહી લુહાણ થયેલ લાગણીઓને

વાચા મળે ત્યારે લખાય અહી

તલવાર ઉપાડવાની તાકાત તો સૌ કોઈ જાણે અહીં

કલમ ઉપાડવાની તાકાત રાખો તો જાણીએ અહીં

અલગ કરવાની તાકાત તો સૌ કોઈ જાણે છે

ભેગા કરવાની કરો તો માનીએ