ખૂબ મજેદાર જિંદગી

 થોડી મીઠી તો થોડી કડવી,

 થોડી તીખી તો થોડીક ફિક્કી,

આવા ચટપટા સ્વાદ રોજ કરાવતી આ જિંદગી.

તેમ છતાં ખૂબ મજેદાર છે આ જિંદગી.

ક્યારેક ઊંચી તો ક્યારેક નીચે,

ક્યારેક આડી તો ક્યારેક સીધી,

આવા અણધાર્યા ખેલ રોજ કરાવતી આ જિંદગી.

તેમ છતાં ખૂબ મજેદાર છે આ જિંદગી.

કોઈ દિ' હસાવતી તો કોઈ દિ' રોવડાવતી,

કોઈ દિ' શોકમાં ડૂબાડતી તો કોઈ દિ' મોજ કરાવતી,

આવા નવા-નવા નાટક રોજ કરાવતી આ જિંદગી.

તેમ છતાં ખૂબ મજેદાર છે આ જિંદગી.