જિંદગી

 જો અને તો વચ્ચે પીસાતી આ જિંદગી,

 વહેમનાં વાદળો ફરતે છે છતાં

 હકીકતનો વરસાદ ઈચ્છતી આ જિંદગી. 

 મનના વિચારોથી ઘડાતી આ જિંદગી,

 સફળતાનું અમૃત તો ક્યારેક

 નિષ્ફળતાનું વિષ પીવડાવતી આ જિંદગી.

 તડકા છાંયડાથી ભરેલી આ જિંદગી,

 હાસ્યનો ઉત્સવ તો ક્યારેક

 શોકનું રુદન કરાવતી આ જિંદગી.

 સાચા ખોટાનાં પારખાં કરાવતી આ જિંદગી.

 સુખમાં એક ડગલું આગળ તો

 દુઃખમાં એક ડગલું પાછળ ચાલતી આ જિંદગી.

 સતત જીવંત ચાલતી રહેતી આ જિંદગી

 ભૂતકાળની વાતો વાગોળવાનું છોડી

 વર્તમાનમાં દિલથી જીવી લો આ મસ્ત જિંદગી.