ખીલવી જાત
ખીલવી જાત
દેહધારી માનવ આજ તથ્ય વગરનું ભટકતો રહેતો;
જીવન વાટે ઉભાં સંસારી આલમને હરદમ ખોતો.
લક્ષ્ય વગરની કલ્પનામાં અટવાટો પછડાતો રહેતો;
સુખ પાછળની ઘેલછામાં ઘાયલ નિરંતર ફરતો.
અંતરમન અકળાવી સર્વ કામોનો બોજો ઉપાડી રહેતો;
આભાસી જળની ઝાકળ પકડવા ઊંડાણે જઈ મથતો.
બંધ દરવાજા ભીતર નિર્માણ નાહકનો જોતો રહેતો;
ખુદની ખામોશી હટાવી લીધાનો ડર મનમાં સદા ભરતો.
છોડી બાહ્ય મુખોટો સહજ ખીલવી જાત ખુશ જે રહેતો;
બની યોદ્ધો આભાસ જગથી જાતને જોજન દૂર કરતો.