ખીલતી વસંત

મંદ મંદ વાતો પવન તારા તરફ લઈ જાય છે,

આજે આ ઉપવનમાં ફૂલો જ ફૂલો દેખાય છે,

વસંતના આગમનની ચારે તરફ અસર વર્તાય છે

સાજનને મળવા કેશમાં વેણી ગૂંથી સજની દોડી જાય છે,

ડાળીએ ડાળીએ મધુમાલતી મલકંતી મલકાય છે

વસંતના આગમને પાંદડા તાજગીથી લહેરાય છે,

વસંતની બાદશાહી જોઈ ઋતુઓ બળી જાય છે

વસંત આવતા પાનખર ભૂલી જવાય છે,

અજીબ છે 'ડિયર' આ વસંતની બહાર

વીતેલ પળો નજર સામે જીવી જવાય છે,

જોને આ વસંત યૌવનના ઉંબરે ઊભી મલકાય છે.