કારતક

ઢળતી રાતે વહેતી આહલાદક ઠંડી 

કિસાન કારતકે લાવતા જણસ મંડી,

નૂતન વર્ષે કારતકમાં લંબાતી રાત 

ભૂલાતી નથી હજી દિવાળીની વાત,

કારતક જો મંદો બાર મહિના આકરો 

ભાઈબીજ, લાંભપંચમી આનંદો કરો,

તુલસી વિવાહ ને વળી દેવ દિવાળી 

રૂપેરી નીરખી વ્યોમ વાદળી રૂપાળી,

બન્યો કારતક મહિને કણબી ડાહ્યો 

ઠૂંઠવાતાં ટાઢે મલક મધ્યાહ્ને નાહ્યો,

પૂનમે સોમ ઝળકતો કૃતિકા નક્ષત્ર 

ભર્યું નભ સિતારે ઝળહળે તેજ છત્ર,

ગાલ ને શિશુના હોઠ ફાટતા દાઝતા 

અધિક માસ કારતકે દુર્લભ દૂઝતા,

ઢળતી રાતે વહેતી આહલાદક ઠંડી 

ઉતર્યે કારતકે ટાઢકે રાત રણચંડી.