કાળનો ધુમાડો

કાળના ધુમાડા નીકળ્યા જે પ્રદૂષણ ફેલાવશે,

શાંત ગગને જઈ અને એ ક્રૂરતા રેલાવશે.

ઉદ્યોગ અવળા માર્ગ લઈને છેડશે પર્યાવરણ,

તો કાળની કેડી જગતમાં હીનતા પ્રસરાવશે.

રોગ, હિંસાને સતત દાનવ સમી વૃત્તિ બની,

પ્રકૃતિને ઠેસ વાગી કોણ જખમ ખેડાવશે ?

બે - અદબ થઈને બધા આ જંગલો કાપી રહ્યા,

ખુદ જ ખુદને વેરી થઈને દુશ્મની પહેરાવશે.

કારખાનાઓ કહેર વરસાવશે જાજો બધો ને,

પ્રકૃતિની સળગી રહી છે કોણ એ ઠેહરાવશે ?