જંગલ જંગલ ભટકવું છે મારે
જંગલ જંગલ ભટકવું છે મારે
મારે તો જંગલ જંગલ ભટકવું છે,
વગર નકશા એ રખડવું છે,
પંખી બની આકાશને ચૂમવું છે,
ઝરણું બની મીઠું ગાન ગાવું છે,
પતંગિયું બની ફૂલનો સ્પર્શ માણવો છે,
ભમરો બની બાગે બાગે ભમવું છે,
પવન બની મહેકની મિત્રતા માણવી છે,
આમ આ પ્રકૃતિને મારે અંતરથી જાણવી છે,
વાદળી બની વરસવું છે,
નદી નાળા છલકાવવા છે,
આ ભૂલકાંઓના ચહેરા પર મુસ્કાન જોવી છે,
આ મયુરનું કથ્થક નૃત્ય જોવું છે,
વડલાની ડાળે હિચકવું છે,
આ નદીમાં છબછબિયાં કરવા છે,
મારે તો પંખી બની વન વન ભમવું છે,
કુદરતના બેનમૂન સર્જનને મારે,
આંખોમાં ભરવું છે.