ચાલ ને થોડું દોડી લઈએ
ચાલ ને થોડું દોડી લઈએ
જિંદગીના પ્રવાસનો થાક ઉતારી,
ચાલ ને થોડું દોડી લઈએ.
સુખ દુઃખની ગમ્મતોને વિરામ આપી,
ચાલ ને થોડું દોડી લઈએ.
ખોવાયેલી દરેક ઈચ્છા ને ફરી જગાડી,
ચાલ ને થોડું દોડી લઈએ.
આ સમયને બંધ મુઠ્ઠીમાં જકડી,
ચાલ ને થોડું દોડી લઈએ.
સ્વપ્નનાં ચલચિત્રોનાં મનોરંજને,
ચાલ ને થોડું દોડી લઈએ.
ખાટીમીઠી દરેક પળોને વાગોળતા,
ચાલ ને થોડું દોડી લઈએ.
થાકી જવાશે.........,
ફરી ક્યાક થાકી જવાશે,
પણ આ અનુભવોને જીવંત કરતાં,
ચાલ ને થોડું દોડી લઈએ.