જિંદગી
જિંદગી
કોણ કહે છે જિંદગી છે રસ્તે રઝળતી વાર્તા
ભાઈલા, જીવી જાણો તો થઈ જાય એ મહાકથા,
ચઢાવો ઢોળ પુરૂષાર્થે તો જિંદગી છે જિંદગી
ભૂલી જો ભટક્યા કરો તો દિસશે વેરાન જિંદગી,
જેવું વિચારો એવી જ આવી રમશે આ જિંદગી
મીંચશો જો આંખ તો કદી ના ભાળશો એ રોશની,
ભૂલી તમે ભૂલો ને ભાળો હસી નવતર આ જિંદગી
દોષો પડશે ખરી ને મલકશે મગરૂરી આ જિંદગી,
જીવ્યા તમે ફક્ત પોતા માટે તો તમે શું જીવ્યા ?
કેવું જીવતા દાતા બની, જુઓ ઊભાં આ ઝાડવાં,
સાધુ થવું કે સંસારી થવું ? વિચારે વહી જાશે જિંદગી,
માંહ્યલાને રમવા દે મારી સાથે, હળવે બોલ્યા શ્રી હરિ,
આયખું એવું ઉજળું કરજો એ અવિનાશી ને આશરે
સમાધીમાં સૂતા પછી પણ લોક આવી દીવા કરે.