જીવો ને જીવવા દો

શું કોઈના અહમને પોષવાને જ જીવવાનું આપણે?

હોમી દૈ અરમાન આપણાં બસ શ્વસવાનું આપણે ?

નાનો જીવ મોટા જીવને ગળે એ ક્રમ છે સૃષ્ટિ તણો, 

શું સ્વમાનને ગીરવે મૂકીને ઉરથી ટપકવાનું આપણે?

"જીવો ને જીવવા દો" નથી દેખાતું આ દુનિયામાં સદા,

કોઈનાં ખ્વાબ પૂરા કરવા શું સતત નમવાનું આપણે?

આમ તો નમાલા હોય એ જ બીજાને નમાવી જાણે,

કચડી નિજનું સ્વને શું બીજાને રાજી કરવાનું આપણે?

અધિકાર જીવવાનો છે બધાને સરખો આ જગતમાં, 

તોય ત્રેવડવાળાને શું ભગવાન રોજ કહેવાનું આપણે?