જીવનસાથી

ચાલને જીવનસાથી આપણે સુખ દુઃખ આપણા વહેંચીએ,

ઊંચા ઊંચા સપનાઓ સેવી ગુરુ શિખર પર પહોંચીએ.

તારું મારું આજીવન આખું ગયું બધું ભેગું કરવામાં,

હવે તો સુધારી લઈએ આ જન્મારો એકબીજાના સહવાસમાં.

દીકરો જશે વહુ પાસે દીકરી જશે જમાઈ સાથ,

દુઃખ ભર્યું આ જીવન જીવવા આપણે જ આપણો સંગાથ.

જીવતરની લાઠી દિકરો બનશે એ ભૂલ કદી ના કરવાની,

બાકી તો સૌ જાણે છે સૌના ઘર ઘર ની કહાની.

કપૂતર પાકે જો દિકરો એવા માવતર ની જિંદગી નર્ક છે,

જે માવતર નો દિકરો શ્રવણ એ માવતર નું જીવન સ્વર્ગ છે.

સાથ હોય જો જીવનસાથીનો તો ભવપાર તરી જવાય છે,

બાળકોની સેવા વિના પણ ખુશીથી જિંદગી જીવી જવાય છે.