જીવનની રીત

ક્યારેક સુખ ક્યારેક દુઃખ, ક્યારેક હારજીત,

ક્યારેક મળે ખુશી અનેક તો ક્યારેક દર્દે દિલ.

નથી સમજાતું શું છે જીવન, શું જીવનની રીત,

જીવન આખું જીવી જાણ્યું, ન જાણી ક્યારેય રીત.

નસીબનાં નામે લખી જિંદગી, જાણી ને માણી,

મળ્યું તે ભોગવ્યું ને કરી બધી ઉજાણી.

સમય આવતાં સમજાણી, કહાની આ જીવનની,

સુખ દુઃખની છાયા એટલે, પરિભાષા છે જીવનની.

ખોબલે ખુશીઓ આપે તો પણ, ઈચ્છાઓ નથી પુરવાની,

દુઃખનું એક તણખલું પણ, કરાવે ભૂલ મરવાની.