જીંદગી તારા નામે

તારા સાથે નજર મેળવવી છે,
મારા નયનો તને જોવા તડપે છે,

તુ પ્રેમ અનુભવે કે ન અનુભવે,
તારી તસ્વીર મારા નયનોમાં છે.

મારા શ્વાસમાં પ્રેમની સરગમ છે,
તારા પ્રેમનો તરાનો તે લલકારે છે,

તુ તરાનો સાંભળે કે ન સાંભળે,
મારા રોમ રોમ પ્રેમથી લહેરાય છે.

મારૂ હ્રદય તારા પ્રેમથી ધડકે છે,
મારી જીભ પર તારૂ જ નામ છે,

તુ મને પ્રેમ કરે કે ન કરે "મુરલી",
મારી જીંદગી ફક્ત તારા નામે છે.

રચના- ધનજીભાઈ ગઢીયા"મુરલી" (જુનાગઢ)