ઈલુ-ઈલુ

એમની સાથે છે મારો અનુભવ પહેલો,

પણ પ્રણયમાં નહીં - હોં !

હમેશાં કાં પૂછે છે એ કે- તમે શું લેશો ?

ચા પીશો કે કોફી ફાવશે ?

પાડી છે ટેવ હવે અમે ખાવા-પીવાની,

બસ જે છે પસંદ એમને !

ચેષ્ટાઓ પ્રણયની સમજતાં નથી એ,

ને દોસ્તી નામ આપે છે !

ફરિયાદ નહીં કરું જો એ ના પાડશે તો,

હા- કરીશ ફરી ફરી યાદ !

"કહેવું છે શું તારે ?"- એ બોલ્યાં, શું કહું ?

"તું" કહી બધું બોલી ગયા !

લાગે છે નજરથી તો એ ના સમજ્યાં "ઈલુ-ઈલુ",

મૌન મારું બધું ગયું બોલી !