હવે બસ

નાહક અમસ્તું કરે છે, તારા જીવ ને દુઃખી,

જનાર પાછા આવતા નથી, હવે બસ !

સુખદુઃખથી જ, ચાલે છે જીવનચક્ર,

રડવાનું બંધ કર અને ઉભો થા, હવે બસ !

મારું જીવન તેના વગર કેમ ચાલશે ?

કરી તો જો ! ડોકિયું દુનિયાનાં દુઃખોમાં, હવે બસ !

પ્રેમતો રહેશે જ, બિરાજમાન હ્રદયમાં,

ના શોધીશ તારી દિનચર્યામાં, હવે બસ !

જીવનને જીવીલે આનંદ કિલ્લોલથી,

મક્કમ કર મનને, જનાર કયારેય નહિ મળે, હવે બસ !

ઉતારી લે કૃષ્ણને, જીવનમાં સારીરીતે,

કર ચયન ગીતાનાં પાઠનું, હવે બસ !