હું તું
હું તું
હા, ફક્ત તું,
તારામાંથી ક્યાં મુક્ત છું હું...
રોજ પ્રભુ પાસે યાચું જે,
એ અરદાસ છે તું....
એકલતામાંય મારામાં ભીડ ઊભી કરે જે,
એ સંગાથ છે તું...
જીવનનાં ખારા સમુદ્રમાં મળે છે જે,
એ મીઠાશ છે તું....
મારાં શબ્દોને સ્નેહથી સીંચે જે,
એ પ્યાસ છે તું...
ઉતાવળે દોડતી જીવનરેલને મળે છે જે,
એ હળવાશ છે તું....
મારાં હોવાનાં અર્થને સમજાવે છે જે,
એ સારાંશ છે તું...
"હું " નો પર્યાય "તું" કહે છે જે,
એ અહેસાસ છે તું.