હું તું અને પ્રકૃતિ

ભીની માટીની સુગંધ આજે પણ મારા શ્વાસમાં છે,

તારા હોવાનો અહેસાસ આજે પણ મારા જીવતરમાં છે.

હવામાં લહેરો તારા નામની છે,

હરિયાળીમાં મહેક ફૂલોની છે.

વ્યોમની વાદળી હેત વરસાવી રહી છે,

પ્રકૃતિનાં ખોળે બેસી સૂરજને નિહાળી રહ્યાં છે.

તું અને હું પાગલ પંખીડા બની,

મુક્ત આકાશમાં વિહાર કરી રહ્યાં છીએ.

એક મધુર શમણું બની,

આંખોમાં રમી રહ્યું છે..

પ્રકૃતિની લેરખી વ્યોમ બની છલકી રહી છે,

ઝરમર વરસાદ હૈયાં ભીંજાવી રહી છે.