હું ને તારી યાદ
હું ને તારી યાદ
સલૂણી સંધ્યાને ઢળતાં લાગી વાર
ગુલાબી આકાશને પેલે પાર,
હું ને તારી યાદ, યાર ! હું ને તારી યાદ.
મારી રાતી મહેંદીના રંગમાં
ને મારી કાજળનો શણગાર,
હું ને તારી યાદ, યાર ! હું ને તારી યાદ.
મારી પાયલનાં મીઠા સાદમાં
ને મારા કંગનનો રણકાર,
હું ને તારી યાદ, યાર ! હું ને તારી યાદ.
મારા રેશમી પાલવના બૂટ્ટામાં
ને મારા કંઠનો કંચનહાર,
હું ને તારી યાદ, યાર ! હું ને તારી યાદ.
ગુલાબી આકાશને પેલે પાર
સલૂણી સંધ્યાને જોને ઢળતાં લાગી વાર, યાર !