હું ક્યાં જાણી શકું છું

શ્વાસ ચાલે છે, તોયે હું જીવંત ક્યાં છું

મહેફિલમાં છું તોયે ક્યાં સથવારો છે કોઈનો

ભીડમાંય હું એકલી છું

ટુકડાઓ થયા મારા અસ્તિત્વના

આમ હું અકબંધ ક્યાં છું ?

ચોધાર આંસુ એ રડું તારી યાદમાં તોયે

હદય સરિતાના વહેણને ક્યાં વાળી શકું છું ?

મૌન સેવ્યું તે શા માટે ?

તારી ભીતરના ભાવને ક્યાં હું જાણી શકું છું ?

છે આમ હૈયાનો સમંદર સાવ શાંત

તેના ઊંડાણને ક્યાં માપી શકું છું ?

આ પ્રકૃતિ પણ કેમ મૌન લાગે ?

હૈયે કોઈ શોર નથી કે પછી

તારા મૌનથી આ હૈયું સૂનકાર બન્યું

એ જાણી શકતી નથી.