હર પળ તમારો સાથ
હર પળ તમારો સાથ
તમે સાથે છો તો પ્રેમની વસંત છે,
તમે સાથે ન હોવ તો પાનખર જેવું લાગે છે,
તમે સાથે છો તો જીવનમાં આનંદ છે,
પણ જો તમે સાથે ન હોવ તો શોકનો આલમ છે,
તમે સાથે છો તો સંધ્યા ખીલેલી છે,
તમે સાથે ન હોવ તો સંધ્યા સૂનકાર લાગે છે,
તમે સાથે છો તો રાત શરદ પૂનમની છે,
પણ જો તમે સાથે ન હોવ તો રાત અમાસની છે,
તમે સાથે છો તો દિલ મારૂં ધડકે છે,
તમે સાથે ન હોવ તો દિલ પથ્થર જેવું લાગે છે,
તમો સાથે છો તો મારા ચહેરા પર સ્મિત છે,
પણ જો તમે સાથે ન હોવ તો ચહેરો નિસ્તેજ લાગે છે,
તમે સાથે છો તો મહેફિલમાં રંગત છે,
તમે સાથે ન હોવ તો આ જામ ફિક્કી લાગે છે,
તમે સાથે છો તો "મુરલી"માં પ્રેમનો રાગ છે,
પણ તમે સાથે ન હોવ તો પ્રેમનો રાગ બેસૂરો લાગે છે.