હમસફર

લાગણીઓ એટલી ઉભરાઈ રહી છે, 

નિ:શબ્દ થઈ મલકાઈ રહી છે.

ખજાનો અદ્દભુત હાથ ચઢ્યો છે, 

સાથ વિતાવેલી ક્ષણોની સાથ;

ખુદ કરતાં પણ તુજમાં વિશ્વાસ વધ્યો છે! 

ઉપકાર ઈશ્વરનો એટલો થયો છે;

કે મુજને તું હમસફર મળ્યો છે.

સમર્પણ ભાવ મુજ આપોઆપ વધ્યો છે ;

પ્રેમ અને મર્મનો અદ્દભુત તું સંગમ..

તુજ થકી અમ જીવનપથ ઉજળો છે. 

વિતી રહ્યા વર્ષો વેગે; સમય સદા સાથ રહ્યો છે;

હાથ-પગની મહેંદી ય હવે ધીમે-ધીમે કેશ ચઢી છે.

તેર આજ તરી લીધા છે સંગાથે,

આપણી લાંબી મજલનો; 

તું કૃષ્ણ સમો સારથિ થયો છે.

શુભાશિષ હંમેશ આપે ઈશ તુજને;

બસ, એ જ સદા મારા કોડ રહ્યા છે.