હૈયે થાય આશાનો સંચાર

રોજ ઊઠતાં જ જોઉં હું બારીની બહાર,

ખૂબસૂરત નજારો જોઈને સુંદર બને સવાર,

સવાર થતાં વૃક્ષો બને જાણે સંગીત સભા,

વૃક્ષો પર જોવા મળે પંખીઓની મોટી હાર,

ફૂલ પર મોજથી ગીતો ગાય આ ભ્રમર,

કરે એકબીજાને બેહદ બેપનાહ પ્યાર,

આ સરિતા ચૂમે જાણે સાગરનો ભાલ,

જોને કેવો આનંદ આપે ઝરણાનો ઝણકાર !

ઉદાસી, પીડા, હતાશા તો ક્યાંય દૂર ભાગે,

જોને હૈયે થાય કેવો આશાનો સંચાર !

કેવું અદ્ભૂત કુદરતી સૌંદર્ય બક્ષ્યું છે ઈશ્વરે,

નિહાળી પ્રકૃતિને માનવી સુખ પામે અપાર.