હાથીભાઈની હોટલ

હાથીભાઈએ હૉટલ ચાલુ કરી !

દેશ દેશની વાનગીઓથી હૉટલ આખી ભરી !

હાથીભાઈએ હૉટલ ચાલુ કરી !

હાથીભાઈની હૉટલમાં લાંબી 'મૅનુ-લીસ્ટ' અપાય !

લ્યો, રાંધતી વખતે હાથીભૈયા પોતે જ અડધું ખાય !

સસ્સાભાઈ તો માંગ્યા રાખે ફરી ફરી !

હાથીભાઈએ હૉટલ ચાલુ કરી !

વાંદરાભૈયા તો પિત્ઝા ને બર્ગર હોંશે હોંશે મંગાવે !

જમ્યા પછી સૌ ગ્રાહકોને આઈસ્ક્રીમ પણ ચખાડે !

આ હૉટલમાં જમવાની આવે મજા ખરી !

હાથીભાઈએ હૉટલ ચાલુ કરી !