હા હું સાવજ જ છું

વહુ થઇને બધાનું સાંભળવા કરતા સાવજ બનીને,

જવાબ આપવા માટે હા હું સાવજ જ છું.

વહુ બનીને લાચાર રહેવા કરતા સાવજ બનીને,

હક લેવા માટે હા હું સાવજ જ છું.

વહુ બનીને સહન કરવા કરતા સાવજ બનીને,

લડવા માટે હા હું સાવજ જ છું.

વહુ બનીને બધાનું માનવા કરતા સવાજ બનીને,

પોતાનું ધાર્યું કરવા માટે હા હું સાવજ જ છું.

વહુ બનીને દબાવવા કરતા જે મને હેરાન કરતા હોય,

એના માટે હા હું સાવજ જ છું.

વહુ બનીને ચારિત્ર્ય પર આંગળી ઉઠતી સહન કરવા કરતા,

જે એવું કરે એનું અસ્તિત્વ મિટાવવા માટે હા હું સાવજ જ છું.

વહુ બનીને ગુલામી કરવા કરતા જે ગુલામી કરાવે,

એની ભૂલ એને બતાવવા માટે હા હું સાવજ જ છું.

વહુ બનીને પારકી હોવા છતાં પણ એ જ ઘરમાં રહીને,

પતિનો સાથ આપવા માટે હા હું સાવજ જ છું.

વહુ બનીને ભોળા રહેવા કરતા લોકોના,

ષડયંત્ર સામે લડવા માટે હા હું સાવજ જ છું.

વહુ બનીને પતિ કે બાળકો પર ઉઠતી આંગળી,

ચૂપચાપ જોવા કરતા આંગળી ઉઠાવવા વાળાને,

વળતો જવાબ આપવા માટે હા હું સાવજ જ છું.