ગુજરાતી

હા, અમે સૌ ગુજરાતી

ગજબ બોલીને, રીતભાત છે ગુજરાતની

હા,અમે સૌ ગુજરાતી.

બાર ગામે બોલી બદલાય;

અવનવી એ દરેક લહેકાની મીઠાશ ગુજરાતી

કેમ છો ? મજામાં? હારુ ને ?

કયાં ચાલ્યા ? ચ્યોં ચાલ્યા ? થી લઈ

શીદ ઉપડ્યા ?

પારકાને પણ પોતાના કરતી ગુજરાતી

દિલથી સહુકોઈની સાર સંભાળ કરતી,

અમારી માતૃભાષા ગુજરાતી

એ હેંડો, હાલો ને ચાલો ગુજરાતી

ભાષાનો અનેરો આનંદ ગુજરાતી.

જમણ મારું વારુ, બપોરા ને રોંઢો ગુજરાતી

હૈયે આવતી હેલી ગુજરાતી

મારી માતૃભૂમી એ રચેલો રમતીયાળ રંગ-તરંગ ગુજરાતી.

કોટી કોટી વંદન સિંહોની પણ ધરા ગણાતી,

મારી ગુણવંતી ગુજરાતી.