ગોઠડી
ગોઠડી
પક્ષી કરે છે આકાશ સંગ ગોઠડી,
સપના જોયાં તા કે ઊડું તુજ સંગ,
પણ મળ્યો પાંજરા કેરો સંગ.
નદી કરે છે સાગર સંગ ગોઠડી,
કે મારે બનવું તું લહેર,
પણ સમાઈ ગઈ તારી લહેરો સંગ.
શબ્દ કરે છે ગીત સંગ ગોઠડી,
કે છેડ્યાતા કેટલા સપ્તરંગી સૂર,
પણ મળ્યો તૂટેલાં તાર કેરો સંગ.
દુઃખ કરે છે પીડા સંગ ગોઠડી,
પીડા કરે છે તન્હાઈ સંગ ગોઠડી,
જોયા તા કેટલા સુનહરા સપના,
પણ મળ્યો અશ્રુ કેરો સંગ.
કરુ છું હું આજે ખુદ સંગ ગોઠડી,
કે હસવાની ચાહતમાં અમે,
કેટ કેટલું રડ્યા છીએ.
ખબર નથી કે કેટલું તડપ્યા છીએ,
કે જીતની બાજી હાર્યા છીએ,
ખબર નથી મને કે એ શું
સમજ્યા છે અમને,
એટલેજ કરવા બેઠા છીએ,
ખુદથી ખુદ સંગ ગોઠડી.